Qëlloi me armë mes Tiranës, pranga vëllait të ish-zyrtarit të njohur

Arrestohet vëllai i ish-Drejtorit të Transportit Rrugor, Altin Isaraj. Ky i fundit ra në pranga për armëmbajtje pa leje, pasi theu masën e sigurisë të caktuar nga gjykata me “arrest shtëpie”, ndërsa qëlloi me armë në ajër nga një makinë, me të cilën po udhëtonte së bashku me dy persona të tjerë.

Policia gjithashtu sekuestroi në cilësinë e provës materiale një pistoletë dhe disa fishekë.

48-vjeçari u arrestua pasi qytetarët njoftuan policinë, duke bërë që blutë e kryeqytetit të kapin vëllain të ish- drejtorit të Transportit Rrugor Arben Isaraj.

Kujtojmë se ky i fundit dha dorëheqjen nga detyra si Drejtori i Transportit Rrugor, pasi vëllai i tij u arrestua për trafik droge.

Njoftimi i policisë për rastin në fjalë:

Tiranë

Bashkëpunimi komunitet-polici vë në pranga një 48-vjeçar për armëmbajtje pa leje i cili ishte dhe me masë sigurie “arrest shtëpie”.

Sekuestrohet armë zjarri pistoletë e municion luftarak.

Shërbimet e policisë të komisariatit nr.1, arrestuan në flagrancë shtetasin:

A. I., 48 vjeç, banues në Tiranë (me masë sigurie “arrest shtëpie” për veprat penale “Prodhim dhe shitje lëndësh narkotike” dhe Prodhim dhe mbajtja pa leje e armëve luftarake dhe municionit”).

Në sallën operative ka ardhur telefonatë nga qytetarët se në rrugën e rezervave të shtetit është qëlluar në ajër me armë zjarri nga një mjet. Shërbimet e policisë në bazë të karakteristikave të dhëna kanë bërë ndalimin e mjetit me drejtues shtetasin A. I., dhe pasagjer shtetasit R. E., 15 vjeç dhe E. E., 27 vjeç (vëllezër).

Në mometin e kontrollit policia ka gjetur një armë zjarri pistoletë e cila i përkiste shtetasit A. I.

Policia sekuestroi në cilësinë e provës materiale:

Mjetin; një armë zjarri pistoletë; dy krehëra dhe 21 fishekë.

Lexo edhe :   Berat / Vihet në pranga një 38-vjeçar që dispononte armë zjarri pa leje

Materialet i kaluan Prokurorisë pranë Gjykatës së Shkallës së Parë Tiranë në ngarkim të shtetasit A. I., për veprat penale “Prodhim dhe mbajtja pa leje e armëve luftarake dhe municionit” dhe “Largimi i të burgosurit nga vendi i qëndrimit” parashikuar nga nenet 278 dhe 323 të Kodit Penal.