Ndryshime të papritura në qeveri! Rama, pas konferencës me gazetarët ka njoftuar se është larguar Gent Cakajn, duke zbuluar në të njëjtën kohë emrin e ministres që do ta zëvendësojë.
Gent Cakaj ka dorëzuar dorëheqjen e parevokueshme, mëngjesin e kësaj të marte. Kreu i qeverisë e ka zëvendësuar Cakajn me ministren e Mbrojtjes Olta Xhaçka, dhe në vend të saj ka emëruar Niko Peleshin.
“Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes. Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme”, shkruan Rama në Twitter.
