Gradualisht muajit shtator po i vjen fundi, dhe pas një periudhe të gjatë me mot të nxehtë dhe të kthjellët, tashmë erdhi koha që ditët me diell të zëvendësohen nga ditët me mot kryesisht të vranët dhe reshje shiu.
Për ditën e nesërme, vendi do të dominohet përsëri nga moti i kthjellët, por nuk do të mungojnë vranësirat kalimtare në orët e mesditës, të cilat do të shoqërohen me reshje shiu të dobta mbi relievet e larta malore.
Më pas nga dita e martë deri ditën e premte, pritet të dominojë moti me vranësira mesatare dhe të dendura, por nuk do të mungojnë edhe intervalet me kthjellime.
Vranësirat do të shoqërohen me reshje shiu të herëpashershme me intensitet të ulët deri mesatar, në formën e shtrëngatave shoqëruar me shkarkesa elektrike.
Sasia më e lartë e reshjeve parashikohet përgjatë ultësirës perëndimore, ndërsa në zonën e veriperëndimit dhe jugperëndimit, reshjet hera-herës me intensitet deri të lartë në formën e rrebesheve shoqëruar me breshër.
