Mjeku shqiptar, Andrin Sadikaj i cili ndodhet në Shtetet e Bashkuara ka treguar se si është veshja e një doktori që lufton ndaj COVID-19 atje.
Në një intervistë për News24, Sadikaj tha se fillimisht vendoset një N-95 dhe mbi të një maskë kirurgjikale. Më pas janë dy palë doreza për t’u mbrojtur, një palë syze mbrojtëse dhe më pas edhe maskë e plotë transparente e printuar për të mbrojtur gjithë fytyrën.
Sipas tij, veshja është e dyfishtë: njëra plastike dhe një tjetër kirurgjikale. Ai tregon se edhe këmbët janë të mbuluara si një masë mbrojtëse ndaj virusit vdekjeprurës.
Andrin Sadikaj, i cili punon në spitalin e Manhattan do të bëjë nesër tamponin, për të mësuar nëse është i prekur apo jo nga COVID-19.
