Ministrja e Drejtësisë, Etilda Gjonaj, duke iu referuar rastit të kryebashkiakut Lefter Alla, tha se para se të dilet në konkluzione, duhet të pritet hetimi. “Të dalin njëherë nëse janë videot të vërteta dhe pastaj të flasim sipas rastit, ti hetojnë dhe më pas të themi nëse është apo jo”, tha ajo për “Report Tv”.
E pyetur nëse duhet aplikohet testi i drogës për kryebashkiakët, ministrja nuk pranoi që të jepte një përgjigje. “Të lutem, unë ua ktheva përgjigjen time”.
PS duket se ka filluar dorëzimin e Lefter Allës. I ftuar në rubrikën “Opinion”, në “News24”, Ulsi Manja tha se SPAK duhet të zbardhë një orë e më parë të vërtetën mbi kryebashkiakun Alla, ndërsa theksoi se ai duhet të pezullohet nga detyra, derisa drejtësia të nxjerrë konkluzionet për rastin.
Socialistët distancohen nga kryebashkiaku/ Manja: Lefter Alla të pezullohet
Prokuroria e Posaçme Anti-Korrupsion ka nisur hetimet ndaj kreut të Bashkisë së Bulqizës, Lefter Alla, për të cilin një ditë më parë u publikua një video, ku pretendohej se ai ishte duke pirë kokainë në një lokal.
