Kryesore

“Shqipëria rrezikon kapjen totale të shtetit”, Meta bën hapin e radhës


               Publikuar në : 14:47 - 23/01/20 M S

Presidenti Ilir Meta i kërkon ‘Venecias’ opinion për zgjedhjen e anëtarëve të Gjykatës Kushtetuese. Në faqen zyrtare, kreu i shtetit ka publikuar letrën drejtuar ‘Venecias’, ndërsa thekson se Shqipëria rrezikon kapjen totale të shtetit.

Sipas Metës, nuk ka patur asnjë reflektim nga Kuvendi ndaj këshillave të Komisionit të Venecias. Presidenti Meta i ka dërguar informacion të plotë Komisionit të Venecias si dhe një listë pyetjesh që qartësojnë kushtetutshmërinë e veprimeve.

Qëndrimi i Kreut të Shtetit, Ilir Meta

Asnjë reflektim nga Kuvendi ndaj këshillave të Komisionit të Venecias! Të dhënat e shtrembëruara dhe pyetjet vetësugjeruese të Kuvendit synojnë lexim të gënjeshtërt të situatës. Presidenti dërgoi informacion të plotë të dokumentuar, dhe një listë pyetjesh që qartësojnë kushtetutshmërinë e veprimeve të secilit.

Përse kërkoi Venecia përcaktimin në Kushtetutë dhe ligj të rradhës së emërimeve?

Mosrespektimi i radhës a përbën shkelje të gërmës së Kushtetutës?

Cila dispozitë kushtetuese parashikon që një institucion të emërojë disa gjyqtarë kushtetues njëkohësisht?

Presidenti kërkoi vazhdimisht bashkëpunim dhe zbatim të Kushtetutës!

Mazhoranca refuzoi bashkëpunimin dhe çoi deri në fund skenarin e saj.

Kuvendi tentoi rrëmbimin e kompetencave kushtetuese të Presidentit me qëllim kapjen e Gjykatës Kushtetuese!

Kur Qeveria, Kuvendi, të gjitha Bashkitë, Këshillat Bashkiakë dhe thuajse të gjitha institucionet e pavarura, janë në duart e një partie të vetme: a i shërben kapja e Gjykatës Kushtetuese interesit politik për t’iu shmangur kontrollit dhe llogaridhënies?

Shqipëria në çekuilibër të plotë të mekanizmave të kontrollit dhe balancës, rrezikon kapjen totale të shtetit!


Kthehu
WhatsApp Denonco ne TT