Mina me telekomandë në qendër të Tiranës/Preng Gjini jetonte i fshehur, makinën e kishte të kushëririt

Shënjestra e atentatit të ndodhur dje në Tiranë, Preng Gjini, ka kaluar gjendjen e rrezikut për jetën dhe ndodhet në Spitalin e Traumës ku po merr trajtim mjekësor.

Mjeti tip Mercedes Benz me të cilin udhëtonte ai, ishte i kushëririt të tij. Burime nga grupi i hetimit kanë thënë se lënda plasëse tritol, ishte vendosur mbi gomën e parë të makinës, në anën e pasagjerit. Ka qenë pikërisht vendosja e tritolit në anën e pasagjerit, që i ka shpëtuar jetën 51-vjeçarit.

Forcat xheniere, nisur nga matjet në mjet, dyshojnë se në këtë atentat është përdorur 400 deri në 500 gram eksploziv. Lënda plasëse ishte vendosur sipër gomës së parë, nga ana e pasagjerit. Prej vdekjes së të vëllait, 51 vjeçari ka jetuar i fshehur, pasi i druhej një atentati.

Pjesën më të madhe të kohës ka jetuar në Tiranë, ndërsa 2 vajzat e tij dhe bashkëshortja jetojnë në Amerikë. Ai kryente levizje shumë të pakta në kryeqytet, dhe pjesën më të madhe të kohës ishte në shoqërinë e kushëririt të tij, që ka banesën shumë pranë vendit ku ndodhi shpërthimi.

Ngjarjet kriminale

Në gusht të vitit 2019, në një atentat mafioz u vra Armando alias Tonin Gjini, vëllai i Preng Gjinit. Ekzekutimi ndodhi në trotuarin e Katedrales së Rrëshenit. 48 vjeçari ka qenë duke udhëtuar me makinë me bashkëshorten dhe fëmijët. Në një moment, bashkëshortja e Gjinit ka zbritur nga makina për të blerë diçka në një dyqan, së bashku me vajzën, ndërsa viktima i ka pritur ato në makinë së bashku me djalin e tij. Në këtë moment, automjetit brenda të cilit ishte Gjini dhe djali i tij i është afruar një fuoristradë me xhama të zinj dhe ka qëlluar menjëherë me breshëri kallashnikovi ndaj 48-vjeçarit. Djali i mitur i Gjinit, i cili fatmirësisht nuk ka marrë asnjë plumb nga breshëria e armës automatike, e ka parë të gjithë ngjarjen. Viktima është dërguar menjëherë në spital, por nuk ka mundur ti mbijetojë plagëve.

Lexo edhe :   Tiranë / 6 në pranga, nga narkotikët tek drejtimi i mjetit në gjendje të dehur

Menjëherë pas atentatit mafioz, në vendin e ngjarjes shkuan uniformat blu, ku pas rrethimit të zonës ku ndodhi vrasja, ngritën një grup hetimor për zbardhjen e ngjarjes dhe identifikimin e autorëve.

Makina me të cilën u bë atentati u gjet e djegur dy orë më vonë në fshatin Gziq të Mirditës. Në 12 Maj të 2018, Armando Gjini u arrestua bashkë me 17 persona të tjerë si pjesë e grupit kriminal të Met Kananit, i njohur si bosi i një klani ndërkombëtar droge që vepronte në Turqi. Gjithashtu brenda makinës është gjetur edhe një armë e llojit kallashnikov, ndërsa hetimet paraprake tregojnë se makina rezultonte e vjedhur.

Armando Gjini i shpëtoi një atentati me tritol. Makinës në pronësi të Armando Gjinit, i njohur për drejtësinë si pjesë e grupit të Met Kananit ishte vendosur një sasi eksplozivi në sedilje, por atëherë fatmirësisht nuk shpërtheu. Gjini tregoi atë kohë se në mëngjes kishte marrë makinën tip ‘Benz’ të parkuar poshtë pallatit, për të dërguar fëmijët në shkollë pasi ishte shi, por pa e ditur se në automjetin i tij kishte qenë një “minë me sahat” dhe që mund të shpërthente nga momenti në moment. Pasi konstatoi pakon, ai njoftoi menjëherë policinë, e cila e s’postoi në një distancë të largët nga pallatet duke bërë shpërthimin e kontrolluar.