Meta letër Bashës dhe Kryemadhit: Ndaloni përpjekjet për prishjen e zgjedhjeve

Një ditë para zgjedhjeve parlamentare, Presidenti i Republikës, Ilir Meta i ka dërguar një letër kryetarit të Partisë Demokratike, Lulzim Basha dhe kryetares së LSI, Monika Kryemadhi.

Në këtë letër, Meta kërkon nga dy liderët e partive opozitare që të angazhohen maksimalisht dhe të koordinohen për të ndaluar dhe neutralizuar me çdo kusht përpjekjet për të prishur procesin zgjedhor me anë të provokimit të tensioneve artificiale, frikësimit të votuesve duke ushtruar presion, dhe kryer survejim antikushtetues mbi ta me anë të përdorimit të të dhënave personale si dhe të përfshirjes së elementëve kriminalë në shitblerjen e votës”.

Kreu i Shtetit, thekson faktin se largimi i opozitës nga Kuvendi dhe bojkoti i zgjedhjeve vendore të vitit 2019, e ka lehtësuar instalimin e modelit autokratik dhe abuzues me qytetarët.

Ndër të tjera, Meta shprehet se përgjegjësia e dy liderëve ndaj Popullit Shqptar është historike për të rivendosur rendin kushtetues dhe shtetin e së drejtës.