Deputeti i Partisë Socialiste, Spartak Braho, ka pohuar se Meta do ketë më shumë vota për shkarkim se kur u zgjodh president. Këtë deklaratë të fortë ai e ka dhënë në “Breaking” në Top News.
“Meta do ketë më shumë vota për shkarkim, se kur u zgjodh president”, tha ai.
Spartak Braho u shpreh më tej se presidenti Meta është në gjendje të rënduar psikologjike, ndërsa i cilësoi të rënda të gjithë shkeljet e tij. “Kjo është nismë e grupit parlamentar të Partisë Socialiste, Komisioni Hetimor ka përfunduar hetimin e çështjes. Kemi bërë çdo përpjeke për ta thirrur, po ai nuk erdhi. Meta është në një situatë të rëndë psikologjike. Pasi ai ligjet qe merr ky Parlament që ai nuk e njeh, ai i dekreton, të gjitha shkeljet e presidentit janë të rënda.
Pesë janë më të rëndësishmet, Meta ka shkeluar rëndë atë që konsiderohet si përfaqësuesi i popullit, është bërë i njëanshëm. Meta ka marrë nëpër gojë edhe personalitete të tjera, presidenti nuk jep urdhra, ai vepron me mesazhe dhe dekrete. Meta do ketë më shumë vota për shkarkim se kur u zgjodh president, si jurist unë mendoj se vendimi i Gjykatës Kushtetuese nuk duhet komentuar”, tha Braho.
