Për shembjen e dy objekteve, GJKKO ka marrë të pandehur ish-kryetaren e Bashkisë Gjirokastër, Zamira Rami. Sot është zhvilluar seanca në Gjykatën e Posaçme të GJKKO. Ish kryetarja e Bashkisë Gjirokastër, Zamira Rami, akuzohet për “shpërdorim detyre”. GJKKO ka pranuar gjykim të shkurtuar për ish-kryetaren e Bashkisë.
Sipas organit më të lartë të akuzës, Rami ka prishur dy banesa në Gjirokastër, të cilat kanë qenë me dokumentacion të rregullt, duke shkaktuar një dëm prej 5 milionë lekë të reja. Ish-kryebashkiakja e LSI-së, është kallëzuar nga disa qytetarë të Gjirokastrës në SPAK, për shembjen e disa banesave në vitin 2019, me qëllim zgjerimin e një rruge.
“SPAK e akuzon ish-kryetaren e Bashkisë Gjirokastër se në kundërshtim me ligjin, ka kryer veprime që kanë sjellë prishjen e dy pronave private gjatë realizimit të dy projekteve, një prej të cilave në kuadër të Rilindjes Urbane”, thuhet në njoftimin e SPAK.
