Ish-lojtarët e “Për’puthen” rikthehen sërish protagonistë, pasi fotot që qarkullojnë në rrjetet sociale, i kthejnë në kryefjalën e ditës. Janë në romancë apo jo? Nëse po, me kë? Janë këto pyetje të cilat ata hasen shpesh, madje edhe kur janë të ftuar në emisione.
Shqipe Hysenaj, e cila është një nga ish-konkurrentet e sezonit të dytë të “Për’puthen”, është përfolur shumë për jetën e saj private. E ftuar në “Shqipëria live”, ish-konkurrentja e “Përputhen” u acarua kur moderatorja Erjona Rusi e pyeti nëse është e vërtetë që ka nisur një lidhje me Atdheun.
“Më keni çarë kokën Erjona”, tha Shqipja duke u çuar nga karrigia, teksa hoqi mikrofonin për të lënë studion. “Tani po më bëni të dal jashtë kontrollit. Unë të vij këtu, ti thua lidhje me Atdheun.
Me Atdheun s’kam gjë, jemi shokë. Spekulohet me Atdheun, spekulohet me vëllain tim, spekulohet me sheikun, Atdheu spekulohet me Borën, na keni… nuk e di, ju uroj gjithë të mirat”, tha Shqipja dhe u largua.
