Rrjetet sociale janë kthyer në “ushqimin” e përditshëm të rinisë. Aty mund të gjesh video argëtuese, edukuese, por në të shumtën e rasteve rinia merr shembujt me të gabuar. Dje kryefjalë e ditës u kthye Kozak Braçi, i vetëshpalluri si “mbreti i Instagramit”.
Video që u bë virale tregonte të “fortin” e rrjeteve sociale, i cili po dhunohej. “Mbreti i Instagramit” kishte ofenduar në një video-live “mbretin e burgut” në Greqi, Fabio Dushkun.
Ky i fundit kishte dërguar njerëzit e tij, të cilët do merrnin hak, duke e ofenduar rëndë tek ndjekësit e tij. Katër persona e rrëmbyen, por falë familjarëve të Kozak që njoftuan policinë, ai shpëtoi pa asnjë dëmtim.
Blutë e Tiranës janë vënë në kërkim të dy personave, mes tyre Daniel Dushkun, vëllai i Fabianit. Ata akuzohen për rrëmbimin dhe kërcënimin e “mbretit të Instagramit”, por ende nuk ka asnjë gjurmë prej tyre.
Sherri mes Kozak dhe Fabios plasi në rrjetet sociale, ku për muaj me radhë kërcënonin njëri-tjetrin. Danieli së bashku me disa shokë të tij e rrëmbyen dhe e detyruan Kozakun të ofendonte veten e tij.
Të ashtëquajturit “VIP”-a, përdorin rrjetet sociale për të përmbushur qëllimet e tyre. A nuk ka ardhur koha për të përcaktuar qartë se kush janë në të vërtetë “VIP”-a dhe kush jo?! Çfarë kanë bërë këta personazhe për tu admiruar? Çfarë kanë arritur në jetë këta persona, që fokusi i medias të jetë tek ta? Të etur për famë, historia e të famshmëve nuk përfundon me kaq!
