Kancelarja Angela Merkel ka mbërritur në Tiranë, ku do të zhvillojë një vizitë në kuadër të Procesit të Berlinit.
Ajo është pritur në aeroportin e Rinasit nga Ministrja e Jashtme Olta Xhaçka dhe ambasadori gjerman Petter Zingraf.
Në orën 10:20, do të zhvillohet ceremonia e pritjes së kancelares në pallatin e Brigadave, ndërkohë që do të takohet me kryeministrin Edi Rama në orën 10:30.
Pjesë e axhendës është edhe takimi i liderëve të Ballkanit Perëndimor, me praninë e kryeministrave të Shqipërisë, Kosovës, Serbisë, Maqedonisë së Veriut, Malit të Zi dhe Bosnje Hercegovinës. Vizita 6 orëshe në Tiranë do të mbyllet me konferencë për shtyp të kancelares dhe kryeministrit Rama në orën 14:30.
Pjesë e diskutimeve do të jetë edhe procesi i Berlinit, i nisur 7 vjet më parë me iniciativën e kancelares.
