Në Shqipëri kanë mbërritur gjashtë autoambulancat e para nga Turqia, të kompletuara me të gjitha pajisjet e një urgjence lëvizëse.
Këto janë pjesë e grantit që qeveria turke ka akorduar për Ministrinë e Mbrojtjes. Po kështu, kreu i qeverisë, Edi Rama, njofton se brenda pak javësh do mbërrijnë edhe qindra uniforma, çadra e pajisje që do të modernizojnë operacionet për emergjencat civile.
Statusi
KOMANDA MBËSHTETËSE E FORCAVE TË ARMATOSURA- MBËRRIJNË 6 AUTOAMBULANCAT E PARA NGA TURQIA, TË KOMPLETUARA ME TË GJITHA PAJISJET E NJË URGJENCE LËVIZËSE, PJESË E GRANTIT QË QEVERIA TURKE KA AKORDUAR PËR MINISTRINË E MBROJTJES DHE FORCAT TONA TË ARMATOSURA. NË KOMANDËN MBËSHTETËSE BRENDA PAK JAVËSH DO MBËRRIJNË EDHE QINDRA UNIFORMA, ÇADRA E PAJISJE QË DO TË MODERNIZOJNË OPERACIONET PËR EMERGJENCAT CIVILE.
Po kështu, Rama ka reaguar pas peticionit të personelit të Urgjencës Lezhë. Ai shprehet se për mjekët dhe infermierët në Vijën e Zjarrit, do paguhet 1000€ mbi pagën.
Kryeministri paralajmëron se kush nxit për politikë të mbrapshtë, do ndëshkohet nga populli.
Statusi
Unë e kam thënë shqip që do të paguajmë 1000€ mbi pagën për mjekët e infermierët në Vijën e Zjarrit! Kush ka ngatërruar vijën e zjarrit në spitalet Covid e në autoambulanca, me detyrën e bluzës së bardhë në territor, duhet të kthjellohet e të mos turpërojë bluzën e bardhë!
Kush i nxit nga jashtë kërkesat për shpërblime pa asnjë sens, bën politikën e mbrapshtë që ka bërë gjithnjë dhe do ndëshkohet nga populli, kush nga brenda bëhet mashë politike cënon misionin e shenjtë e moralin e bluzave të bardha në këtë luftë dhe nuk do të justifikohet në vijim!
