Aktorja e vlerësuar e skenës shqiptare Margarita Xhepa, ndodhet në gjendje të rëndë shëndetësore, e për pasojë do t’i nënshtrohet ditën e premte një operacioni në këmbë.
Në një bisedë telefonike për “Shqiptarja.com”, Xhepa ka konfirmuar se është në pritje të operacionit.
“Sot mora analizat e gjakut, sepse jam në pritje të operacionit. Jam shumë sëmurë, nuk eci dot”. E njohur për natyrën e saj optimiste, aktorja tha më tej: “Të premten do të hyj në operacion dhe do Zoti e kaloj me sukses”, tha aktorja.
Aktorja 87-vjeçare, e cila ka krijuar mbi 150 role në teatër, ka punuar vetëm gjashtë muaj më parë për xhirimet e filmit artistic “Bolero në vilën e pleqve”, bazuar në romanin e shkrimtarit Fatos Kongoli.
Si protagoniste në të, Margarita Xhepa denoncon diskriminimin që i bëhet gruas.
