Ish-kryeministri Sali Berisha është shprehur se letrat e Ramës drejtuar Bashës duhen hedhur në kosh të plehrave. I ftuar në emisionin “Opinion” Berisha tha se Rama është “i vetmi shqiptar mbi tokë, në Shqipëri dhe planet që gjithçka e projekton dhe e nxjerr te kundërshtari.”
“Duke lexuar dy letrat e tij ju do të gjeni se ai është i vetmi shqiptar mbi tokë, në Shqipëri dhe në planet që nuk ndien asnjë përgjegjësi për krizën e krijuar. Që gjithçka e projekton e nxjerr tek kundërshtari, e para kjo njëherë… Asnjë njeri nuk mendon se ai nuk ka përgjegjësi. Unë kam besim se çdo njeri normal e ka të qartë se çfarë do të thotë futja e bandave në zgjedhje.
Të shkruash letër duke nxjerrë të gjithë vrerin tek kundërshtari, të ftosh me vrer kësaj i thonë të ftoj duke vjedhur vrer ndaj kundërshtarit. Ai aty i shpall luftë opozitarëve, ai kthehet në instinktin e hakmarrjes atërore. Nuk mundët kurrë një kryetar qeverie të thotë se është ogur i mirë shkatërrimi i këtij grupi. Ai ka këtë koncept për opozitën. Imagjinoni shqiptarë se çfarë keni kryeministër, keni një bastard të etërve të tij mizorë që e mbajtën vendin të izoluar dhe nën terror. Çdo opozitar duhet ta ketë të qartë se kë ka përballë.”, u shpreh Berisha.
