Ish-kryeministri Sali Berisha i ftuar në “Opinion” ka komentuar reagimin e kryeministrit Rama pasi opozita dogji mandatin e deputetit.
Berisha deklaroi se një ditë pas dorëzimit të mandateve, Rama dërgoi emrat në KQZ. Sipas tij, këtë veprim nuk do e kishte bërë në kohën që ka qenë kryeministër, në mënyrë për të gjetur një kompromis dhe për t’i treguar çdo shqiptari dhe ndërkombëtari se ishin të gatshëm për dialog.
Edhe një herë, Berisha theksoi se nuk do të ketë zgjedhje pa largimin e Ramës, ndërsa shtoi se Rama e kopjon atë, teksa risjell në kujtesë zgjedhjet e vitit 2006, kohë kur Berisha mbante postin e kryeministrit dhe i bënte thirrje lidershipit socialist që t’i përgjigjej pozitivisht ofertës për një tryezë politike duke respektuar Kushtetutën.
“Në atë kohë e kisha mendjen e mbledhur për të shtyrë zgjedhjet. Në zgjedhje nuk do të shkoja pa na tërhequr zvarrë për të na futur në zgjedhje.
Ka me dhjetëra politikanë shqiptarë, ju garantoj se nuk kam njohur kurrë në jetën time një të dytë si Edi Rama, pasi Rama ka një qëndrim kaq patologjik ndaj votës.
Po të lexoni letrën dje ai thoshte shyqyr që s’po vijnë zgjedhjet. Në mënyrën më të rrufeshme, të nesërmen ai i çoi në KQZ emrat e deputetëve që dogjën mnadatin. Një kryeministër që e kupton ku ndodhet vendi nuk i dërgon ato në Parlament. Unë nuk do i çoja as në orë 12 pas një muaj, për të gjetur një kompromis dhe për ti treguar çdo shqiptari dhe ndërkombëtari se ishin të gatshëm për dialog.
Në mënyrë të padiskutueshme zgjedhje nuk do të ketë pa largimin e Ramës. Rama më kopjon mua. Rama po bën propagandën tim”, deklaroi Berisha.
