Personi që është gjetur i vdekur brenda një automjeti, mësohet se ka ndërruar jetë për shkaqe natyrale. Këtë gjë e konfirmon policia e Vlorës, pas hetimeve paraprake. Shtetasi me inicialet E.L. 45-vjeç, u gjet i pajetë nga familjarët në mjetin e tij në lagjen “Osman Haxhiu”, Vlorë. Nga këqyrja paraprake e trupit të tij, nuk janë konstatuar shenja dhune apo dëmtime të tjera.
“Sot, rreth orës 10:50, në lagjen “Osman Haxhiu”, Vlorë, është gjetur në mjetin e tij nga familjarët, pa shenja jete shtetasi E. L., 45 vjeç, i cili nga të dhënat e para dyshohet se ka ndërruar jetë për shkaqe natyrale.
Nga këqyrja paraprake e trupit të tij, nuk janë konstatuar shenja dhune apo dëmtime të tjera”, njofton policia. Grupi hetimor ndodhet në vendngjarje, dhe po punon për sqarimin e rrethanave të ngjarjes.
