Kryeministri kanadez Justin Trudeau ka deklaruar se viktimat e avionit ukrainas të rrëzuar në Iran do të ishin ende gjallë, po të mos kishte ekzistuar përshkallëzimi i fundit i tensioneve, që pjesërisht, u nxit nga Amerika.
Ai ka bërë një deklaratë që i drejtohet SHBA-së, duke theksuar se edhe ata kanë faj për rrëzimin e avionit: “Mendoj se po të mos kishte pasur tensione, ata shtetasit kanadezë do të ishin në shtëpi tani, pranë familjeve të tyre. Komuniteti ndërkombëtar, ka qenë shumë i qartë mbi nevojën që Irani të mos ketë armë bërthamore, por në të njëjtën kohë e dinin mirë se duheshin menaxhuar tensionet në rajon, të cilat janë acaruar edhe nga veprimet e SHBA-së”.
Boingut 737 i Ukraine International Airlines u qëllua nga një raketë iraniane pak pas ngritjes në ajër nga Teherani.
Asnjë nga 176 personat në bord nuk i shpëtoi episodit fatal.
57 prej pasagjerëve ishin kanadezë.
Denonco ne TT