Ish-ministri i Drejtësisë, Ylli Manjani, shkruan me tone ironike se meqenëse tashmë më shumë shqiptarë ka jashtë Shqipërisë, për rrjedhojë kryeministri ynë është Pandeli Majko, meqënëse brenda vendit është Rama.
Ironia e Manjanit shkon më tej duke thënë, se meqenëse shqiptarët nuk kanë gjë në dorë, as Pandeli Majko nuk ka as kompetenca e as buxhet.
Statusi
Tashmë shqiptarët janë më shumë në diasporë sesa në Shqipëri.
Natyrshëm Kryeministër i shqiptarëve është Pandeli Majko. Por i Shqipërisë, dmth i territorit dhe pasurisë së Shqiptarëve është Rama…
Meqë shqiptarët s’kanë gjë në dorë, Pandi ska as kometenca e as buxhet.
Nga ana e opozitës, kohët e fundit ka pasur akuza ndaj qeverisë për largimin masiv të të rinjve. Sipas opozitës, kryeministri Rama nuk sheh realitetin që jetojnë njerëzit, por jeton në botën e çudirave.
Kryedemokrati Basha shpesh ka denoncuar kushtet e vështira ekonomike, punësimin si edhe braktisjen e vendit nga të rinjtë. Lulzim Basha ka deklaruar edhe më herët se për shkak të korrupsionit të pushtetit, është bërë thuajse e pamundur jetesa e qytetarëve.
