Kryetarja e LSI-së, Monika Kryemadhi, ka zhvilluar një takim me maturantët nga gjimnazet e Tiranës. Gjatë takimit, Kryemadhi u shpreh se largimi i të rinjve nga vendi është një kambanë alarmi, dhe se kjo vjen për shkak të keqqeverisjes nga ana e Ramës. Mjaft e shqetësuar, ajo tha se statistikat janë të frikshme, ku tregojnë se janë 500 mijë shqiptarë që kërkojnë të largohen.
“Edhe pse unë jam 45 vjeç, të njëjtat probleme kanë fëmijët e mi. Kur merresh me politikë, bëhesh indiferente e problemeve të moshës ku nuk ndodhesh vetë.
Ndërkohë në anën tjetër, statistikat tregojnë se janë 500 mijë shqiptarë, kërkojnë të largohen.
E shikojmë të domosdoshëm bashkëbisedimin me ju, komunikimin me ju.
Maturantët janë një shtresë që është shumë energjike dhe shumë e sinqertë në aksionin e saj shoqëror.
Kur kthehesh në këndvështrime të tjera, politika bëhet e pavëmendshme”, tha Kryemadhi.
