Nga qyteti i Lezhës, kryetarja e LSI-së ka kërkuar ndaj qytetarëve që të bëhen bashkë kundër qeverisë, sipas saj, të kapur nga bandat dhe krimi. Duke sqaruar edhe njëherë se pse opozita i dogji mandatet, pasi nuk mund të bëhej fasadë në një Kuvend që nuk është më i popullit, ajo ka ftuar shqiptarët të bëhen bashkë kundër regjimit që ka rrënuar vendin. Kryemadhi po kështu i është drejtuar qytetarëve që të reagojnë ndaj presioneve, pasi regjimi i Ramës është drejt fundit.
“Mandati im si deputete në Lezhë ka qenë ndër më të bukurit, dhe unë nga vendi i Besëlidhjes i bëj thirrje shqiptarëve të bëhemi bashkë për të shpëtuar vendin, të rrënojmë shtetin e kalbur e të ngremë shtet të fortë, shëndetësor, arsim e drejtësi të barabartë për çdo shqiptar, do sistem të fortë jo lider të kapur, me kriminelë rreth vetes. Ju bëj thirrje, mos u ndalni, mos u sugjestiononi nga presionet, nga trokitjet e policisë nëpër dyer, tik-taku Ramës po merr fund”, tha ajo.
