Krimet e pasionit kanë tronditur shpesh Shqipërinë. Vajza dhe djem të rinj kanë përfunduar tragjikisht të vrarë, për shkak të pasionit. Në Vlorë sot u derdh gjak, për shkak të një historie dashurie. Një 30-vjeçar shkodran nuk pranoi ndarjen nga partnerja e tij, një studente 20-vjeçare. Në momente gjaknxehtësie dhe që nxiten nga pasioni, i riu tentoi ti merrte jetën të ish-dashurës së tij, por fatmirësisht ajo ia ka dalë mbanë dhe ndodhet jashtë rrezikut.
Mospranimi i ndarjes dhe moskthimi i dashurisë, ka bërë Fadil Likaj, 30-vjeç, të mos e mendonte dy herë, por të qëllonte Kostandina Zanaj, 20-vjeçe, studente në qytetin e Vlorës. Konflikti mes dy ish-partnerëve për pak sa nuk është kthyer në tragjedi.
30-vjeçari nga Shkodra ka qëlluar me armë zjarri pistoletë para lokalit ‘Bar Cacai’, ish-të dashurën Kostandina Zanaj, të cilën e ka lënë të plagosur. Policia prangosi autorin e ngjarjes të cilit i sekuestroi edhe armën me të cilën dyshohet se kreu plagosjen. Po ashtu 30-vjeçarit ju gjetën edhe dy granata, njëra e cila i kishte rënë në ambientet e lokalit, dhe një tjetër të cilën e kishte pasur në çantë. /Tirana Today
