Ka nisur pak më parë takimi i tretë Rajonal për Ballkanin Perëndimor. Pjesëmarrës në këtë samit janë kryeministri shqiptar, Edi Rama; kryeministri maqedonas Zoran Zaev; presidenti i serbisë, Aleksandar Vuçiç dhe presidenti i Malit të Zi, Milo Djukanovic.
Gjatë fjalës së tij në këtë mbledhje, Rama ka reaguar edhe ndaj refuzimit të ftesës nga ana e Kosovës.
“Takimi është i hapur, gjithëpërfshirëse, nuk ka kushte, nuk i imponohet askujt dhe nuk imponohet nga askush”, tha ai duke deklaruar hapur se refuzimi i ftesës nga ana e Kosovës është për të i pakuptueshëm.
“I kemi ftuar edhe në Tiranë siç ishin edhe në takimet e mëparshme të gjithë, me lejoni ta them hapur se për mua refuzimi i përsëritur i autoriteteve të Kosovës është i pakuptueshëm, dhe përveç se është i pakuptueshëm është i dëmshëm për vetë Kosovën”, tha ai.
