Ambasadori i BE-së në Tiranë, Luigi Soreca ka folur në lidhje me situatën e krijuar në Shqipëri, për shkak të përhapjes së koronavirusit.
Përmes një postimi në Twitter, Soreca tha se BE po punon për koordinimin e veprimeve në të gjitha frontet dhe bashkëpunimin me qeverinë shqiptare.
Ai theksoi se Bashkimi Evropian është në kontakt me qeverinë shqiptare për të mbështetur përpjekjet në luftën kundër koronavirusit.
Postimi i plotë:
BE po punon në të gjitha frontet për të trajtuar shpërthimin e COVID- 19, përfshirë koordinimin e veprimeve të Shteteve Anëtare dhe mobilizimin e ndihmës financiare.
Ne jemi në kontakt të ngushtë me Qeverinë e Shqipërisë, të gatshëm të mbështesim përpjekjet e tyre për një përgjigje të koordinuar.
