Ka shkuar në 14 numri i viktimave të shënuara nga koronavirusi në Itali.
Mediat italiane raportojnë se mbi 500 persona janë të prekur nga virusi vdekjeprurës. Rajonet më të prekura mbeten ato të Lombardisë dhe Venetos.
Ndërkohë edhe në Greqi janë shfaqur raste të reja infektimi, duke e çuar në 3 numrin total të të prekurve nga koronavirusi. Në Selanik është infektuar një grua 38-vjeçare bashkë me fëmijën e saj. Ndërsa rasti i tretë është një grua nga Athina, e cila kishte qenë më herët Itali.
