Ministrja e Infrastrukturës, Belinda Balluku, ka deklaruar se do të mbyllen të gjitha fluturimet me Italinë, dhe se tragetet e fundit do të nisen mbrëmjen e sotme. Ajo konfirmoi në një prononcim për mediat se nuk do të lejohet asnjë pasagjer që të hyjë nga Italia në Shqipëri.
“Nuk lejohet asnjë pasagjer që të hyjë nga Italia në Shqipëri. Mbyllen të gjitha fluturimet për pasagjerët me Italinë.
Sonte do të nisen tragetet e fundit nga Italia dhe Vlora. Anijet me mallra nuk do të bllokohen”, u shpreh Balluku.
Kryeministri Rama dha urdhër të prerë një ditë më parë, që të mbyllen institucionet e arsimit me dy javë dhe të anulohen të gjitha aktivitetet deri më 3 prill. Tashmë ka shkuar në 6 numri i të prekurve me koronavirus në Shqipëri.
