Nga simptomat që shfaq, koronavirusi me gjasë mund të ngatërrohet me gripin e zakonshëm.
Simptomat kryesore të koronavirusit janë:
– Temperaturë
– Dhimbje koke
– Kollë e thatë
– Dhimbje muskujsh
– Vështirësi në frymëmarrje
Problemet e frymëmarrjes mund të shfaqen pas një jave. Në një pjesë të rasteve, nevojitet trajtim spitalor.
Problemi sipas mjekëve është se 50% e pacientëve të prekur nga koronavirusi nuk kanë simptoma, ose kanë pak të tilla.
Kur shfaqen simptomat?
Nëse shenjat janë të lehta, mjekët rekomandojnë më shumë vetëkarantinimin. Nëse shkohet në spital, ekziston rreziku i ekspozimit ndaj personave të tjerë që mund të kenë sëmundje të ndryshme. Simptomat mund të shfaqen 2-14 ditë pas ekspozimit. Në rastet më të rënda, infeksioni mund të shkaktojë pneumoni, sindromë të rëndë akute respiratore, insuficiencë të veshkave e madje dhe vdekjen.
Një grup shkencëtarësh kinezë të Universiteteve të Pekinit dhe Shangait, kanë dalë në përfundimin se koronavirusi është më i ngjashëm me HIV-in, sesa me variantet e gripit. Sipas studiuesve kinezë, në botë qarkullojnë aktualisht dy variante të virusit, S dhe L.
Ky i fundit konsiderohet si më agresiv në përhapje, me simptoma më të forta dhe më i vështirë për t’u kuruar. Varianti L ka qenë më i përhapur që prej fillimit në Wuhan, por tani ka nisur të reduktohet, duke ia lënë vendin përhapjes së variantit më të butë.
Fakti që është mjaft ngjitës dhe përhapet përmes rrugëve të shumëfishta, i bën shkencëtarët të dyshojnë se koronavirusi ka pësuar mutacione të ngjashme me HIV-in.
Fatmirësisht Shqipëria vijon të jetë e pa prekur nga koronavirusi. Ekspertët konfirmojnë që edhe në vendet ku ka prezencë të koronavirusit, nuk ka asnjë shqiptar të sëmurë.
