Numri i viktimave nga koronavirusi ka shkuar në 2.247, ndërsa ai i të infektuarve në 76.726. Situata me koronavirusin vdekjeprurës ka nxitur edhe ndjenjat raciste. Dhjetra demonstrues në një qytet të Ukrainës, kanë sulmuar me molotov gjashtë autobusë që transportonin të zhvendosur nga Kina.
Sipas një lajmi të rremë të përhapur nga vetë Ministria e Shëndetësisë, ishin të prekur nga koronavirusi. Ata u dërguan në një spital në Novi Sanzhary, ku do të kryejnë analizat dhe më pas do të karantinohen për 14 ditë.
Sikundër ishte paralajmëruar edhe më herët, nga sot Rusia ka mbyllur kufijtë me Kinën. Sipas Kremlinit, kufizimi do të jetë i përkohshëm dhe nuk do të prekë udhëtarët tranzit. Me këtë vendim, qeveria ruse përpiqet të kufizojë përhapjen e epidemisë në vend, sa më shumë që të jetë e mundur.
Por mbyllja e kufijve mund të shkaktojnë dëme të pariparushme në sektorin e turizmit, pasi Rusia është një nga destinacionet e turistëve kinezë për të mos përmendur sektorin ekonomik, ku shumë biznese kanë lidhje të forta me Pekinin.
Organizata Botërore e Shëndetit mbetet shpresëplotë se është e mundur që të izolohet shpërthimi i koronavirusit. Drejtori i përgjithshëm i OBSH, tha se urgjentisht duhet investuar për përgatitjen e vaksinës.
