Policia shqiptare së bashku me atë italiane kanë vijuar aksionin e përbashkët antidrogë të koduar ‘NADIR’. Në kuadër të këtij operacioni, ka rënë në pranga një shqiptar tjetër i shpallur në kërkim.
Policia e Shtetit bën me dije se është vënë në pranga shtetasi shqiptar, Nikolla Sh, 40 vjeç. Ndërkohë, në kuadër të , dy ditë më parë u bë e mundur arrestimi i 12 personave, 3 prej të cilëve në arrest shtëpie në Itali dhe një tjetër i arrestuar në Shqipëri.
Nga aksioni i përbashkët u sekuestruan 4 kg kokainë e pastër, 1 kg hashash dhe 36 mijë euro cash. Hetimi i përbashkët ka bërë të mundur të ndiqen penalisht 31 persona prej të cilëve 12 janë arrestuar në flagrancë.
Në orët e para të mëngjesit të së enjtes është bërë i mundur arrestimi njëkohësisht në Itali i 6 shtetasve shqiptarë, 1 italian dhe 1 rumune rezidentë në Itali dhe në Shqipëri i një shtetasi shqiptar Mario Ç, 38 vjeç, nga Lushnja me akuzën e pjesëmarrjes në organizatë kriminale dhe trafikim të lëndëve narkotike.
