Pas njohjes së Jerusalemit si kryqytet të Izraelit kanë shpërthyer protestat e përgjakura.
Në këto protesta, shumë shtetas palestinezë janë lënduar. Megjithatë, një video në zonën më të “nxehtë” të konfliktit po bën bujë në rrjet, teksa një grua e moshuar guxon të ndërhyjë në zonën neutrale, siç njihet ndryshe “toka e askujt”. Gruaja ka tentuar që t’i ndalë përleshjet e të rinjve palestinezë dhe ushtrisë izraelite në Bregun Perëndimor.
Videoja është publikuar nga “Russia Today”, që ka filmuar të moshuarën se si ajo tenton të “krijojë paqe” ndërmjet dy palëve në konflikt, teksa ecën pa frikë edhe pse forcat e sigurisë izraelite janë të armatosura.
Në video shihet se si gruan e godet një palestinez i maskuar dhe ajo bie në tokë, mirëpo shumë shpejt një tjetër palestinez i ndihmon të ngrihet. E moshuara thuhet se është izraelite.
