Abuzimi me tenderat për supervizimin e katër komisariateve të policisë, ish sekretari i përgjithshëm i ministrisë së Brendshme Plarent Ndreca i vetmi nga 15 të pandehurit që nuk ka kërkuar gjykim të shkurtuar.
Përmes avokatit të tij, ish deputeti socialist ka kërkuar të gjykohet me procedurën e zakonshme dhe nga ana tjetër për të të kalojë çështja në Gjykatën Penale Tiranë, pasi ai ka humbur statusin si subjekt i posacëm.
Këtë të hënë, seanca gjyqsore u shty për shkaqe procedurale, ndërsa cështja ka kaluar për gjykim në themel.
Plarent Ndreca është marrë i pandehur nga SPAK për veprën penale “shkelje e barazisë në tendera apo ankande publike”.
Procedurat e këtij tenderi janë kryer në kohën kur Ministria e Brendshme drejtohej nga Sandër Lleshaj.
