Gazetari Mentor Kikia, teksa ka qenë i ftuar në emisionin “360 Gradë” në “RTV Ora”, ka shprehur revoltën e tij të hapur ndaj klasës politike. Për të, PS dhe PD kanë shpërdoruar pushtetin.
Ai madje është i mendimit se ndryshimi tek mendësia e qytetarëve shqiptarë erdhi pasi panë protestën paqësore të studentëve. Organizimi madhështor i tyre, nga çdo cep i Shqipërisë, për të ka shërbyer për ti parë gjërat në një tjetër këndvështrim.
Kikia: Gjëja që i vlen më pak Shqipërisë, është thjeshtë të ndërrojë PS me PD, sepse kanë shpërdoruar sa u ka ngrënë krahu kur kanë pasur pushtetin.
Çili: Të hapim sistemin edhe ndaj të tjerëve.
Kikia: Ajo që duhet bërë është shansi historik për të ndryshuar. Frikën këtij populli ia nxori protesta e studentëve. Unë e shoh si një flakë që u ndez për reagimin shoqëror, dhe frymëzoi shumëkënd.
