Zbardhen detaje tjera nga rrëmbimi dhe ekzekutimi i 49-vjeçarit, Jan Prenga.
Bëhet me dije se vëllai i tij që ndodhet jashtë shtetit ka komunikuar me prindërit, sapo ka mësuar për rrëmbimin e tij. Ai i ka kërkuar atyre që të mos flasin me policinë pasi vëllai ishte mirë dhe se do ta kthenin në shtëpi.
“U kërkon të qëndrojnë larg vëmendjes së policisë, i kërkon të mos japin detaje për marrjen peng të Jan Prengës. Ai i qetësonte familjarët duke thënë se Jani ishte mirë dhe po mbahej peng në zonën e Shijakut”, raportoi gazetarja Klodiana Lala për News24.
Telefonatat janë përgjuar nga policia, e cila kishte vendosur mjetet në shtëpinë e familjes Prenga sapo u mor vesh për rrëmbimin.
