Kryeministri Edi Rama ka reaguar pas deklaratave të opozitës dhe presdientit, se qeveria do të shpërdorojë ndihmat e dhëna në Konferencën e Donatorëve.
Përmes një postimi në Twitter, Rama shprehet se nuk duhet humbur kohë me ta. Sipas tij, ata janë të dënuar të përpëliten në zjarrin e urrejtjes së tyre e të çirren gjithnjë e më fort.
“Mos humbim kohë me ta, janë të dënuar të përpëliten në zjarrin e urrejtjes së tyre e të çirren gjithnjë e më fort kundër nesh!Shqipëria i ka lënë pas dhe kërkon nga ne ta çojmë përpara; duke e forcuar çdo ditë, përmes reformave e punëve që s’u bënë kurrë në kohën e tyre të shkuar. Sa më shumë Shqipëria forcon trupin e saj të brishtë,aq më shumë ata që e penguan,shfrytëzuan,dërrmuan për vite të tëra,dëshpërohen e lëshojnë gjuhën jashtë kontrollit! Tamam kur Shqipërisë iu bë një deklaratë publike dashurie nga BE dhe bota mbarë në 17 shkurt,ata u marrosën…”, shkruan Rama në postimin e tij.
Këto deklarata vijnë gjithashtu pas thirrjeve për tubim nga presidenti Meta, më 2 mars.
