Pas hapjes së Kongresit nga Taulant Balla, fjalën e ka marrë edhe zv.kryeministri Erion Braçe. Ai tha se do të prezantojë disa njerëz, të cilët do të thonë shumë për të, por edhe për gjithë shqiptarët.
“Unë do të prezantoj sot disa njerëz të thjeshtë, por shumë të rëndësishëm. Janë refuzuar, dhe në heshtje janë harruar. 14 vite janë shumë. Nuk janë dorëzuar, me shpirt të plasur kanë besuar, janë rikthyer sërish tek shteti, tek qeveria.
Sot janë disa ndër mijëra qytetarët që kanë marrë zgjidhje nga kjo qeveri, nga këta zyrtarë që dikur i kanë refuzuar. Dua që t’i dëgjoni, sepse ata janë fuqia jonë e vërtetë”, u shpreh Braçe.
