Prej disa ditësh tashmë, në Itali janë rikthyer shifrat e larta të infektimeve dhe viktimave nga koronavirusi.
Gjatë 24 orëve të fundit, në shtetin fqinj janë konfirmuar 1.229 raste të reja, 221 më shumë se një ditë më parë.
Ndërsa, numri i viktimave ka shënuar një ulje në krahasim me ditën e djeshme. Sipas autoriteteve italiane, sot janë regjistruar 9 humbje jete nga virusi, 5 më pak se dje.
Deri më tani, Italia ka regjistruar gjithsej rreth 290 mijë raste pozitive dhe 35.633 viktima. Aktualisht, në vend janë mbi 39 mijë raste aktive me COVID-19.
Deri para pak muajsh, Italia kryesonte listën e vendeve më të prekura nga koronavirusi në botë. Ndërsa, tani ajo renditet e 20-ta pas SHBA-ve, Indisë, Brazilit, Rusisë, Perusë, Kolumbisë, Meksikës, Afrikës së Jugut, Spanjës, Argjentinës, Kilit, Iranit, Francës, Britanisë, Bangladeshit, Arabisë Saudite, Pakistanit, Irakut dhe Turqisë.
