Presidenti i Republikës Ilir Meta, i kërkon Këshillit Politik që të realizojë sa më parë ndryshimet në kodin zgjedhor, duke respektuar marrëveshjen e 5 qershorit.
Përmes një postimi në Facebook, Meta shkruan se kërkesa legjitime dhe parimore e opozitës për të kërkuar ekspertizën e ODIHR nuk duhet refuzuar.
Sipas tij, zgjedhjet e lira dhe të ndershme janë të domosdoshme për çeljen e negociatave me Bashkimin Europian.
Postimi i Presidentit Meta në Facebook
‘’Tani që data e zgjedhjeve është dekretuar pas konsultimit me forcat politike, është domosdoshmëri që Këshilli Politik të realizojë sa më parë ndryshimet në Kodin Zgjedhor, me konsensus dhe duke respektuar pikë për pikë Marrëveshjen konsensuale të 5 qershorit.
Kërkesa legjitime dhe parimore e opozitës për të kërkuar ekspertizën e ODIHR nuk duhet refuzuar.
Zgjedhjet e lira dhe të ndershme janë domosdoshmëri absolute për çeljen e negociatave.’’
