Presidenti francez Emmanuel Macron, është infektuar me koronavirus. Në përputhje me rekomandimet e zyrtarëve shëndetësorë, presidenti francez është izoluar.
Lajmin e ka bërë të ditur vetë zyra e presidentit Macron me anë të një njoftimi për mediat. Në njoftim thuhet se presidenti është izoluar, dhe se do të vazhdojë të punojë nga shtëpia.
BBC shkruan se ai ka kryer testin, ku ka rezultuar pozitiv. Macron është izoluar menjëherë dhe po ndjek protokollin shëndetësor.
Franca është një ndër shtetet më të prekura nga pandemia në Evropë. Deri më tani janë regjistruar mbi 2.4 milionë të infektuar dhe rreth 60 mijë viktima.
