Vijojnë infektimet masive në radhët e politikës. Deputeti socialist i Beratit, Fadil Nasufi, ka rezultuar pozitiv me koronavirus.
Deputeti kishte disa ditë që kishte shfaqur shenja të infektimit, dhe ishte karantinuar në banesën e tij në Berat.
Nasufi kishte bërë tamponin dhe përgjigjja e tamponit rezultoi “pozitive”, ndërkohë që gjendja shëndetësore e tij është e mirë.
Situata me pandeminë në vendin tonë shfaqet tejet shqetësuese. Aktualisht në 3 spitalet COVID, po trajtohen 471 pacientë, 27 në terapi intensive, 9 pacientë janë të intubuar.
Në 24 orët e fundit, kanë humbur jetën 16 qytetarë me Sars-Cov2 pozitiv në spitalet COVID.
