Një 42-vjeçar u vu në pranga nga policia e Vlorës, pasi ishte shpallur në kërkim ndërmobëtar.
Shaqo Kalaj, është dënuar në Itali me 9 vite burg për veprën penale “Trafikim i lëndëve narkotike”.
”Si rezultat operacionit u bë e mundur që në fshatin Dukat, të kapej dhe ndalohej shtetasi i shpallur në kërkim ndërkombëtar Shaqo Kalaj, 42 vjeç, banues në Dukat, Vlorë. Ky shtetas ishte i shpallur në kërkim ndërkombëtar, pasi Gjykata e Bolonjës e ka dënuar këtë shtetas me 9 vite burg për veprën penale “Trafikim i lëndëve narkotike”, parashikuar nga Kodi Penal italian.’’, informon policia.
Operacioni policor i koduar “Dukati”, u finalizua nga Seksioni për Hetimin e Trafiqeve të Paligjshme dhe Narkotikëve në bashkëpunim me Interpol Tirana.
Interpol Tirana, në bashkëpunim me Interpol Romën, po vijon procedurat për ekstradimin e këtij shtetasi drejt Italisë.
