Publicisti Edmond Tupe, ka konfirmuar pjesëmarrjen e tij në protestën e nesërme që do zhvillohet përpara godinës së Kryeministrisë, duke u shprehur se do të protestojë me solidaritet për studentët, Teatrin dhe popullin.
Sipas tij, studentët e ekselencës u blenë dhe u manipuluan nga Kryeministri, pasi nuk kishin unitet.
Sa i përket Kryeministrit Rama nëse lexon apo jo mesazhet e qytetarëve, publicisti përgjigjet: “Diktatorët nuk kanë kohë të lexojnë, mendojnë për të ardhmen e lumtur.”
Ndërkohë, sa i takon dhunës në protestë, ai shprehet se nuk do të stimulohet nga opozita, por nga gjendja aktuale e popullit shqiptarë.
“Unë nuk jam fallxhor por njërzit janë të mbingarkuar, ka njerëz që marrin bukë me listë ata shpërthejnë më shumë. Në protestë gjithçka tolerohet sepse njerëzit nuk mund të kontrollohen.”, deklaroi Tupe.
