Prokurorët Dritan Prençi dhe Vladimir Mara janë bërë pjesë e SPAK, ku do të hetojnë krimin dhe korrupsionin në nivele të larta politike.
Këshilli i Lartë i Prokurorisë miratoi me 9 vota pro dhe një votë kundër kërkesën e kryetarit të SPAK, Arben Kraja për transferimin e përkohshëm të prokurorëve Mara dhe Prençi.
Ata kanë hetuar dosjet e bujshme të politikës. Prençi njihet si prokurori që ka hetuar dosjen e ish-ministrit të Brendshëm, Saimir Tahiri. Ndërsa prokurori Mara ka hetuar dosjen e përgjimit të votave nga zyrtarët e lartë socialistë në Durrës, me në krye ish-kryebashkiakun Vangjush Dako.
