Mjeku infeksionist Pëllumb Pipero, e ka bërë të qartë për të gjithë shqiptarët se nuk mund ti rikthehemi normalitetit, pa patur një vaksinë. Në një lidhje direkte me emisionin “Open” në “Top Channel”, Pipero u ndal edhe tek mënyra e re e jetesës dhe tha se nuk ka vend për të dramatizuar situatën.
“Unë nuk shikoj se ka vend për të dramatizuar situatën. Tani normalitetit që kemi pasur, nuk mund t’i rikthehemi, deri në momentin që të kemi një vaksinë.
Por nuk ka vend për dramatizime. Unë besoj jam më radikal. Unë nuk jam pro këtyre maskave, me ndarje xhami, etj. Por unë them që mjafton vetëm një maskë, kjo pasi virusi përhapet me anë të spërklave”, u shpreh Pipero.