Balerini Graciano Tagani duket se i ka lënë pas mëritë me koreografin Albi Nako, duke nisur sërish bashkëpunimin. Në dhjetor të vitit të kaluar, Graciano Tagani deklaroi publikisht se nuk ishte më pjesë e trupës së baletit të Albi Nakos, pasi ishin zënë.
Debati mes palëve kishte nisur pasi balerini ishte shfaqur në një televizion tjetër, pa lejen e koreografit.
Ata tashmë e konsiderojnë si të shkuar këtë prishje raporti miqësor. Albi dhe Graciano e kanë hedhur pas krahëve sherrin. Kjo kuptohet nga video e fundit e Gracianos, i cili shfaqet duke kërcyer në palestrën e Albi Nakos, e duke njoftuar kështu rikthimin.
