Pas grabitjes s ndodhur ditën e sotme në Aeroportin e Rinasit ka reaguar edhe Partia Demokratike. Sekretari i Përgjithshëm i PD-së, Gazment Bardhi ka sulmuar Policinë e Shtetit dhe Qeverinë Rama se kanë prioritet luftën ndaj qytetarëve dhe jo të mbrojnë perimetrin e sigurisë së Aeroportit.
Sipas PD-së, forcat e policisë ishin të angazhuara sot për të larguar banorët e Bregut të Lumit, ndërkohë që në Rinas u grabit brenda pistës së avionëve sasia e konsiderueshme e parave.
“Kur Policinë e angazhon kundër qytetarëve, që mbrojnë strehën e fëmijëve të tyre apo protestojnë kundër Qeverisë, me vetëdije i hap rrugën grabitjeve me armë në zonën më të sigurt në vend (brenda perimetrit te sigurisë në Aeroportin e Rinasit) apo vrasjeve të tipit mafioz në zonat më të populluara.
Është çështje prioriteti! Edi Rama ka prioritet luftën me qytetarët dhe jo luftën me krimin.
Me 13 Prill, protestojmë edhe për të kthyer Policinë e Shtetit në krye të detyrës, për t’u shërbyer qytetarëve dhe jo banditëve e grabitësve në pushtet. #13Prill #RamaIk”, thekson Bardhi.
