Kreu i Grupit Parlamentar në PS, Taulant Balla ka reaguar pas vendimit të Gjykatës së Apelit për të pushuar çështjen e lobimit rus ndaj kreut të PD-së, Lulzim Basha.
Përmes një postimi në Facebook, Balla thotë se gjykata nuk i ka dhënë fajësi Bashës, por thjesht ka vonuar drejtësinë.
Sipas tij, dosja e kreut të opozitës përmban dokumente të publikuara në faqen zyrtare të Departamentit Amerikan të Drejtësisë.
Ai paralajmëron një kallëzim të ri në Prokurorinë e Posaçme kundër Korrupsionit dhe Krimit të Organizuar në ditët në vijim.
Postimi i plotë:
Koha kur në Shqipëri, drejtësinë e bënin gjyqtarë pa vetting ka mbaruar. Dhe as kolegjet zgjedhore nuk mund të jenë konserva, ku të fshihen gjyqtarët e korruptuar. Vendimi i sotëm i Gjykatës së Apelit Tiranë, nuk i ka dhënë pafajësi Lulezim Bashës, thjeshtë ka vonuar DREJTËSINË.
Dosja kriminale “Basha 675mijë dollarë” përmban dokumenta të publikuara në faqen zyrtare të Departamentit Amerikan të Drejtësisë (Akti i Rregjistrimit të Agjentëve të Huaj).
- kontrata të firmosura nga Lulzim Basha me numër pashaporte diplomatike DB1159763
?dokumenti i parë (foto)
https://efile.fara.gov/docs/6414-Exhibit-AB-20170331-1.pdf - Shërbime të faturuara në emër të Partisë Demokratike në shumën totale 675.000 dollarë
?dokumenti i dytë (foto)
https://efile.fara.gov/…/6414-Supplemental-Statement-201711… - Është deklaruar zyrtarisht se kompania guackë Biniatta Trade do të kompensojë/do të paguajë Muzin për shërbimet e ofruara në emër të Partisë Demokratike.
?dokumenti i tretë (foto)
https://efile.fara.gov/docs/6414-Exhibit-AB-20171114-2.pdf
Fakti është që Lulzim Basha ka përfituar një shërbim me këto para. Për një shërbim të përfituar me fonde me burime të padeklaruara, a duhet hetuar?
Këto fakte do të paraqiten në një kallzim të ri në Prokurorinë e Posaçme kundër Korrupsionit dhe Krimit të Organizuar në ditët në vijim.
