Pas shkarkimit të drejtorit të Policisë së Tiranës, Kastriot Skënderaj, bëhet me dije se do të ketë shkarkime edhe në radhët e shefave të komisariateve, me motivacionin “mospërmbushje të detyrës në lartësinë e kërkuar”.
Sipas ‘MAPO’, sa i përket drejtorit të ri të Policisë së Tiranës, emrat e përfolur janë Edmond Rizaj, Gjovalin Loka dhe Ervin Hodaj.
Kujtojmë se, pak ditë më parë, ministri i Brendshëm, Sandër Lleshaj njoftoi largimin nga detyra të drejtorit të Policië së Tiranës, Kastriot Skënderaj duke e lidhur vendimin si pasojë të veprimeve të policisë te përplasja për shtëpinë pranë gjimnazit “Petro Nini Luarasi”, në kryeqytet.
Ndërkaq, nëpër media kanë qarkulluar lajme se Skënderaj është shkarkuar nga drejtori i Përgjithshëm i Policisë së Shtetit, Ardi Veliu të shtunën e kaluar, por vendimi është mbajtur i fshehtë, ndërsa sot është emëruar zv.drejtori i Policisë së kryeqytetit, Klodjan Bilushi.
