Pritjes i erdhi fundi dhe “Big Brother Vip” nisi mbrëmjen e sotme me plot emocione. Teksa kurioziteti i publikut është i madh për të njohur të gjithë personazhet që do të jenë pjesë e këtij “reality show”, ajo që mori vemendjen ishte edhe përzgjedhja e opinionistëve.
View this post on Instagram
Personazhet do thyejnë limitetet, do na dhurojnë emocione në këtë spektakël të monitoruar nga “vëllai i madh”. Themeluesi i fondacionit “Fundjavë Ndryshe”, Arbër Hajdari ka bashkëudhëtare në këtë aventurë Balina Bodinakun. Të dy këta personazhe i dhanë një tjetër finesë spektaklit, ndërsa komentet e tyre pikante e plot mençuri do na shoqërojnë gjatë gjithë kësaj eksperience unike.
Balina e familjarizuar me kamerat, por e surprizuar me ftesën e ardhur nga Arbana Osmani, e kaloi me mjaft sukses edhe këtë mision që i është ngarkuar. E ndërsa Arbër Hajdari, një nga aktivistët më të spikatur në kauzat e shumta sociale, si rrallë herë e pamë në rolin e opinionistit. Kjo aventurë është e re për të. Në lidhje me këtë, ai e cilësoi si një ftesë të çuditshme, por në fund kishte pranuar ftesën e produksionit. “Pasi u mendova m’u duk interesante kur mësova si është ndërtuar “Big Brother”, thash pse jo. Është një moment që duhet të shpreh mendimit e mia. Arbri që merret me “Fundjavë Ndryshe”, por meret edhe me “Big Brother”, tha ai.
Më shumë se 1000 metra katrorë, me mbi 100 kamera që do xhirojnë 24 orë në 24. Këto janë pamjet e para brenda shtëpisë më të famshme në Shqipëri, asaj të “Big Brother”.
View this post on Instagram
Brenda shtëpisë më të famshme në Shqipëri, nuk do të jenë njerëz të panjohur, por VIP-a të fushave të ndryshme, nga arti, muzika, kinematografia etj.
View this post on Instagram
“Big Brother” ka vendosur t’i bëjë një rreng Palomës, pasi ka qenë banorja më kapricoze gjatë periudhës së casting. Rudina Demneri e njohur ndryshe si Paloma, e ndëshkuan duke e futur në dhomën e dënimeve, ku kanë futur një gomar dhe disa pula.
Sapo hapi derën, Paloma tha: “Ua o ma, nuk futem… çfarë janë këto? Po kjo që më sheh me bisht syri mua? Është gjëja më e tmerrshme e jetës time, jo vetëm pulat po çdo kafshë e jetës time. Nuk hyj brenda se kam frikë.”
Ndër të tjera, vendimi i Big Brother ishte: “Duke pasur parasysh luhatjet e vazhdueshme gjatë casting të konkurrentes VIP, hyrjen e saj brenda shtëpisë, sonte do të duhet ta vendosë publiku”.
Paloma zgjodhi që në televotim të merte Donaldin për një televotim. “Duke qenë se Vëllai i Madh më ka ndëshkuar, më kanë hapur një televotim që do rri apo jo dhe më thanë që të zgjidhja një nga banorët dhe unë të zgjodha ty që të dalim në televotim… Njëri nga ne do të largohet nga shtëpia e Big Brother”, i tha Paloma-Donaldit.
Por e gjitha kjo është një shaka dhe në të vërtetë nuk ka asnjë televotim për Palomën dhe Donaldin.
View this post on Instagram
Një personazh pikant i “Big Brother VIP” është edhe Beniada, e prezantuar shpesh në mediat shqiptare si mbesa e Bujar Nishanit. Ajo mori vemendjen mbremjen e sotme falë një kërcimi sensual, me balerinët gjysmë të zhveshur duke nxehur situatën para hyrjes në shtëpi.
