Po zhvillohet ditën e sotme seanca gjyqësore ndaj katër të arrestuarve, të cilët dyshohen se janë të përfshirë në rrëmbimin dhe vrasjen e shtetasit Jan Prenga.
Leonard Hajri, 35 vjeç, i dënuar më parë; Olsi Tarja, 36 vjeç; Elton Hajri, 32 vjeç, Bajram Hajri, 64 vjeç, banues në Shijak dhe Festim Bexhdili që u arrestua në Kavajë kanë dalë sot në gjyq për t’u njohur me masat e sigurisë.
Jan Prenga, 49-vjeç u rrëmbye të premten e 17 janarit në rrugën ‘London’ në Kamëz. Dyshohet se ai është marrë peng për t’i bërë presion vëllait të tij, pasi ky i fundit kishte marrë një sasi droge por nuk e kishte dorëzuar.
Policia njoftoi se Jan Prenga kishte humbur jetën si pasojë e gjakderdhjes nga dhuna që ishte ushtruar ndaj tij. Policia është ende në kërkim të trupit të tij.
